Messi 6-cı dəfə dünya çempionatında

Futbol üzrə Argentina millisinin dünya çempionatı üçün yekun heyəti açıqlanıb.

Yığmanın baş məşqçisi Lionel Skaloni ABŞ-nin “İnter Mayami” klubunda çıxış edən Lionel Messiyə də dəvət göndərib. Ulduz futbolçu peşəkar karyerası ərzində 6-cı dəfə dünya çempionatı üçün Argentina millisinə çağırılıb.

Əvəzində bir müddət öncə irqçiliyə görə cəzalandırılan Canluka Prestianni, eləcə də İspaniya “Real Madrid”inin formasını geyinən Franko Mastantuono yığmadan kənarda qalıblar.

Qapçılar: Emiliano Martines (“Aston Villa”, İngiltərə), Xuan Musso (“Atletiko Madrid”, İspaniya), Xeronimo Rulyi (“Marsel”, Fransa);

Müdafiəçilər: Nauel Molina (“Atletiko Madrid”), Qonsalo Montyel (“River Pleyt”), Kristian Romero (“Tottenhem”, İngiltərə), Loenardo Balyerdi (“Marsel”), Lisandro Martines (“Mançester Yunayted”, İngiltərə), Nikolas Otamendi (“Benfika”, Portuqaliya), Nikolas Talyafiko (“Lion”), Fakundo Medina (“Lans”, Fransa);

Yarımmüdafiəçilər: Leandro Paredes (“Boka Xuniors”), Covanni Lo Çelso (“Betis”, İspaniya), Rodriqo De Paul (“İnter Mayami”, ABŞ), Tyaqo Almada (“Atletiko Madrid”), Esekiel Palasios (“Bayer”, Almaniya), Nikolas Qonsales (“Yuventus”, İtaliya), Niko Pas (“Komo”, İtaliya), Aleksis Mak Allister (“Liverpul”, İngiltərə), Entso Fernandes (“Çelsi”, İngiltərə), Valentin Barko (“Strasburq”, Fransa);

Hücumçular: Xulian Alvares (“Atletiko Madrid”), Lionel Messi (“İnter Mayami”), Lautaro Martines (“İnter”), Xose Manuel Lopes (“Palmeyras”, Braziliya), Culiano Simeone (“Atletiko Madrid”).

Qeyd edək ki, dünya çempionatı iyunun 11-dək iyulun 19-dək üç ölkədə - ABŞ, Kanada və Meksikada keçiriləcək.

Onlar ən çox qazanan idmançılardı

“Forbes” jurnalı 2026-cı ilin ən çox qazanan idmançılarının siyahısını dərc edib.

50 idmançının yer aldığı siyahıda yalnız 7 futbolçu var.

Kriştiano Ronaldo (300 milyon dollar) 1-ci, Lionel Messi (140 milyon dollar) 3-cü, Kərim Benzema (104 milyon dollar) 8-ci, Kilian Mbappe (95 milyon dollar) 12-ci, Erlinq Haaland (80 milyon dollar) 19-cu, Vinisius Junior (60 milyon dollar) 34-cü, Məhəmməd Salah (55 milyon dollar) 47-ci yeri tutub.

Basketbol ən böyük təmsilçiliyə malikdir. Ən çox maaş alan 50 idmançıdan 20-si NBA-da oynayır.

Kikboksinq - 2026* *Bakı Şəhər Çempionatı və Birinciliyi* *“Kikboksinq Narkomaniyaya və Uşaq Cinayətkarlığına Qarşı” şüarı ilə*

Dəfələrlə respublika və klublararası turnirlərin KA-1 peşəkar döyuşlərin qalibi “Kikboksinq Narkomaniyaya və Uşaq Cinayətkarlığına Qarşı” devizi altında təşkil edilən Bakı şəhər açıq çempionatında peşəkar idmançı Borcəli Omar Rəşad oğlu uğurla çıxış edərək 32 kq çəki dərəcəsində gümüş medala layiq görülüb.

Yeniyetmə idmançı yarışda daxili qoşunların Vətən müharibəsində şəhid olan əməkdaşlarının xatirəsi üçün döyüşüb. O, qələbəsini xüsusi təyinatlı, şəhid Türkay Həsənliyə ithaf edib. O, T.Həsənlinin qəhrəmanlıqlarla dolu həyat və döyüş yolunu özü üçün istinad nöqtəsi kimi qəbul edərək qələbəsini məhz onun əziz xatirəsinə həsr edib. O.Borcəli idmanın inkişafına göstərilən diqqət və qayğıya görə ölkə Prezidenti cənab İlham Əliyevə, Birinci vitse-prezident Mehriban Əliyevaya təşəkkürünü bildirib.

Məlumdur ki, ölkəmizdə idmanın inkişafına dövlət diqqət və qayğısı geniş vüsət alıb, bunun nəticəsində idmançılarımız bir sıra yerli və beynəlxalq turnirlərdə əzmli qələbələr qazanıblar. İdman Azərbaycan bayrağının ucalarda dalğalanması, eləcə də sülh və barış üçün vasitədir. Bu vasitədən istifadə edən azərbaycanlı idmançılar ölkəmizin idman şərəfini daim əzmlə qoruyurlar. Bu yolda qazanılan uğurlarda müxtəlif dövlət qurumlarının, ayrı-ayrı şəxslərin xüsusi xidməti var.

Gənc idmançı təşəkkür məktubunda Azərbaycan Kikboksinq Federasiyasının prezidenti Orxan Əliyevə, vitse-prezident Adil Əliyevə, Daxili İşlər Naziri General Polkovnik Vilayət Eyvazov cənablarına, Dövlət Təhlükəsizliyi Xidmətinin rəisi General Polkovnik Əli Nağıyev cənablarına rəhbərliyinə, Daxili Qoşunların komandanlığına, o cümlədən Qərargah rəisi general-mayor Tofiq Hüseynova, Daxili işlər nazirliyi idman Şöbəsinin rəisi Polis Polkovniki Kikboksinq federasiyasının vitse prezidenti Eduard Məmmədova , Mətbuat Xidmətinin Rəisi Elşad Hacıyev cənablarına DİN-İdman cəmiyyəti Hakim Hacıyevə ümumilikdə tədbirin bütün təşkilatçılarına və hakimlər heyətinə minnətdarlığını bildirib. O, yarışın baş hakimləri Aydın Ağabəyov və Elşad Ələsgərova,S.S.Axundov adına 172 saylı tam orta məktəbin direktoru Vəfa Bağırovaya, Dəmir yumruq Kikboksinq klubunun baş məşqçisi üzərimdə böyük əziyəti olan Fərid Babayevə xüsusi minnətdarlığ təşəkkürünü çatdırıb.

Formula 1-də yeni mövsümün təqvimi dəyişir

Nüfuzlu PlanetF1 nəşrinin məlumatına görə, Formula 1-in 2027-ci il mövsümünün ilkin təqvimində ciddi dəyişikliklər planlaşdırılır.

Ənənəvi olaraq mövsümün açılış yarışı olan Avstraliya mərhələsinin yerinə ilk yarış kimi Bəhreyn Qran-prisi nəzərdə tutulur. Daha sonra Səudiyyə Ərəbistanı mərhələsi keçiriləcək, Avstraliya isə üçüncü sıraya salınacaq.

Qeyd edək ki, Azərbaycan Qran-Prisi isə sentyabrın 26-da keçiriləcək.

2027-ci il mövsümünün ilkin təqvimi belədir:

Bəhreyn Qran-prisi — 14 mart
Səudiyyə Ərəbistanı Qran-prisi — 21 mart
Avstraliya Qran-prisi — 4 aprel
Çin Qran-prisi — 11 aprel
Yaponiya Qran-prisi — 25 aprel
Mayami Qran-prisi — 9 may
Kanada Qran-prisi — 23 may
Monako Qran-prisi — 6 iyun
Portuqaliya Qran-prisi — 13 iyun
Avstriya Qran-prisi — 27 iyun
Böyük Britaniya Qran-prisi — 4 iyul
Belçika Qran-prisi — 18 iyul
Macarıstan Qran-prisi — 25 iyul
İspaniya Qran-prisi — 29 avqust
İtaliya Qran-prisi — 5 sentyabr
Türkiyə Qran-prisi — 19 sentyabr
Azərbaycan Qran-prisi — 26 sentyabr
Sinqapur Qran-prisi — 10 oktyabr
ABŞ Qran-prisi — 24 oktyabr
Meksika Qran-prisi — 31 oktyabr
San-Paulu Qran-prisi — 7 noyabr
Las-Veqas Qran-prisi — 20 noyabr
Qətər Qran-prisi — 28 noyabr
Abu-Dabi Qran-prisi — 5 dekabr

Qeyd olunur ki, hazırda bu təqvim ilkin xarakter daşıyır və mövsümün son versiyasında müəyyən dəyişikliklər mümkündür.

Noyer tarixin ən yaxşı qapıçılarını AÇIQLADI: seçimi hər kəsi təəccübləndirdi

“Bavariya”nın qapıçısı Manuel Noyer futbol tarixinin ən yaxşı beş qapıçısının adını çəkib:

"Bunu demək çətindir, bu, danışdığımız dövrdən asılıdır. Son bir neçə onilliyi götürsək, ən azı on qapıçı var", - Lent.az-ın xarici mediaya istinadən xəbərinə görə, Noyer bildirib.

"Şmeyhel, Oliver Kan, Kasilyas, Buffon və hətta Kurtua - onların arasında, şübhəsiz ki, çox, çox yaxşı qapıçılar olub. Ən yaxşısının kim olduğunu demək çətindir".

40 yaşlı alman, bir çox mütəxəssis tərəfindən tarixin ən güclü qapıçısı hesab edilməsinə baxmayaraq, özünün adını çəkməməsi ilə hər kəsi təəccübləndirib.

"Qarabağ" cərimələndi

"Qarabağ" klubu 700 manat cərimələnib.

Bu barədə AFFA İntizam Komitəsi qərar çıxarıb.

Buna Ağdam təmsilçisinin dörd futbolçusunun Misli Premyer Liqasının XXVII turunda "Şamaxı" ilə oyunda sarı vərəqə alması səbəb olub.

Xatırladaq ki, qarşılaşma qolsuz yekunlaşıb.

Dünya kubokunda Rusiya və Ukrayna üz-üzə gəlməlidir - Oyun keçiriləcək?

Rusiya və Ukrayna milli komandaları vaterpol üzrə Dünya Kubokunun ikinci divizionunda qarşılaşmalıdırlar.

Rusiya və Ukraynanın sabah, 13 apreldə Maltada 7-ci yer uğrunda matçda oynaması planlaşdırılır.

Təsəlliverici yarımfinalda Rusiya Rumıniyaya (12:16), Ukrayna isə Avstraliyaya (15:21) məğlub olub.

Qeyd etmək lazımdır ki, Rusiya yığması Dünya Kubokunda neytral statusda iştirak edir.

Dünyanın fiziki ən güclü futbolçuları açıqlandı: Qabriel Maqalhaes zirvədədir

Futbol dünyasında fiziki güc hər zaman mühüm rol oynayıb.

"GiveMeSport" nəşri hazırda dünya futbolunda rəqibləri üçün ən keçilməz və fiziki cəhətdən ən dözümlü olan oyunçuların reytinqini tərtib edib.

Siyahının zirvəsində "Arsenal"ın müdafiəsinin dayağı olan braziliyalı Qabriel Maqalhaes qərarlaşıb. İkinci pillədə isə həm sürəti, həm də sarsıdıcı gücü ilə tanınan "qol maşını" Erlinq Haaland yer alıb.

Fiziki gücünə görə top-14 futbolçu
Qabriel Maqalhaes ("Arsenal")

Erlinq Haaland ("Mançester Siti")

Vircil van Dayk ("Liverpul")

Antonio Rüdiger ("Real Madrid")

Vilyam Saliba ("Arsenal")

Villian Paço ("PSJ")

Joelinton ("Nyukasl Yunayted")

Adama Traore ("Fulhem")

Romelu Lukaku ("Napoli")

Conatan Ta ("Bayer Leverkuzen")

Harri Maquayr ("Mançester Yunayted")

Andre-Frank Zambo Angissa ("Napoli")

Alessandro Bastoni ("İnter")

Vinsent Yanssen ("Antverpen")

"Arsenal"ın müdafiə səddi və digər nəhənglər
Siyahıda "Arsenal" klubunun iki mərkəzi müdafiəçisinin - Maqalhaes və Salibanın ilk beşlikdə olması londonluların müdafiə gücünü bir daha sübut edir.

Uzun illərdir güc simvolu hesab edilən Adama Traore və Romelu Lukaku kimi oyunçular isə hələ də ilk onluqdakı yerlərini qoruyurlar. (Offsideplus.az)

Azərbaycan gimnastı qızıl medal qazandı

Bakıda bədii gimnastika üzrə "AGF Trophy" beynəlxalq turniri davam edir.

Gənclər kateqoriyasında çıxış edən Azərbaycan təmsilçisi Azadə Atakişiyeva qızıl medal qazanıb.

O, lent proqramında fəxri kürsünün ən yüksək pilləsinə qalxıb. İdmançı daha əvvəl topla hərəkətlərin icrasında ikinci olub.

Ötən gün Azərbaycan komandası böyüklər kateqoriyasında gümüş medala yiyələnib.

15 ölkədən gimnastların mübarizə apardığı turnirə bu gün yekun vurulacaq.

Dünyanın ən bahalı qapıçılarının reytinqi - SİYAHI

"Transfermarkt" portalı futbolçuların transfer dəyərini yenilədikdən sonra dünyanın ən bahalı qapıçılarının reytinqini təqdim edib.

Birinci yeri "Mançester Siti"nin qapıçısı Canluici Donnarumma (45 milyon avro) tutur.

"Transfermarkt"ın versiyasına görə dünyanın ən bahalı 10 qapıçısı:

1. Canluici Donnarumma ("Mançester Siti") - 45 milyon avro

2. Bart Verbruggen ("Brayton end Houv Albion") - 40 milyon avro

3. Joan Qarsia ("Barselona") - 40 milyon avro

4. Dioqu Koşta ("Portu") - 40 milyon avro

5. Qreqor Kobel ("Borussiya" Dortmund) - 40 milyon avro

6. Mile Svilar ("Roma") - 35 milyon avro

7. David Rayya ("Arsenal") - 35 milyon avro

8. Senne Lammens ("Mançester Yunayted") - 30 milyon avro

9. Luka Şevalye (PSJ ) - 30 milyon avro

10. Georgi Mamardaşvili ("Liverpul") - 28 milyon avro.