Xarkovda dəhşət - Yaşayış binası vuruldu, ölənlər var

Martın 7-nə keçən gecə Rusiya ordusunun Ukraynanın Xarkov şəhərinə hava hücumu nəticəsində yaşayış binasının bir hissəsi dağılıb.

Bu barədə Ukrayna Fövqəladə Hallar üzrə Dövlət Xidməti məlumat yayıb.

Şəhər meri İqor Terexov isə bəyan edib ki, Xarkovda beşmərtəbəli yaşayış binasına Rusiya təyyarələrinin gecə hücumu nəticəsində iki ana və uşaqları həlak olub, 15 nəfər yaralanıb. O əlavə edib ki, yaşayış binasına hücumun baş verdiyi yerdə axtarış-xilasetmə əməliyyatları davam edir.

34 yaşlı kişinin göldə meyiti tapıldı

Hacıqabul rayonunda 34 yaşlı şəxs göldə boğulub.

Bu barədə Fövqəladə Hallar Nazirliyi (FHN) məlumat yayıb

Qeyd olunub ki, Nazirliyin "112" qaynar telefon xəttinə Hacıqabul rayonunun Ələtli kəndi ərazisində yerləşən süni göldə bir nəfərin batması barədə məlumat daxil olub.

Məlumatla əlaqədar, dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları axtarışlara cəlb olunub.

Axtarışlar nəticəsində göldə batmış 1991-ci il təvəllüdlü Elman Teymurşah oğlu Nuriyevin meyiti suda tapılıb çıxarılaraq aidiyyəti üzrə təhvil verilib.

Gəncədə 27 yaşlı gənc bıçaqlanıb

Gəncədə 27 yaşlı gənc oğlan bıçaqlanıb.

Hadisə şəhər ərazisində qeydə alınıb.

1998-ci il təvəllüdlü M.Əliyev bıçaq xəsarəti ilə xəstəxanaya yerləşdirilib. Dərhal ona yardım edilib, vəziyyətinin orta ağır olduğu bildirilir.

Hadisənin hansı səbəbdən baş verdiyi məlum deyil.

Faktla bağlı araşdırma aparılır.

Goranboyda kafedə iki nəfər bıçaqlanıb

Goranboyda bıçaqlanma hadisəsi baş verib.

Hadisə rayonun Səfikürd kəndində yerləşən kafedə qeydə alınıb.

Kənd sakinləri - 1985-ci il təvəllüdlü Z.Muradov və 1987-ci il təvəllüdlü İ.Məmmədov bıçaq xəsarəti ilə xəstəxanaya yerləşdiriliblər.

Araşdırma zamanı məlum olub ki, onlar mübahisə zəminində 1981-ci il təvəllüdlü V.Sarıyev tərəfindən bıçaqlanıblar.

Faktla bağlı araşdırma aparılır.

Şəmkirdə 4 nəfər birləşib müəllimi döydü

Şəmkirdə müəllimi döyməkdə şübhəli bilinən şəxslər saxlanıb.

Bu barədə DİN-in mətbuat xidmətinin Gəncə regional qrupunun baş inpektoru, polis mayoru Eşqin Qasımov məlumat verib.

Onun sözlərinə görə, faktla bağlı Şəmkir rayon Polis Şöbəsində cinayət işi başlanılıb, müvafiq ekspertiza təyin olunub.

O. Məmmədova müxtəlif bədən xəsarətləri yetirməkdə şübhəli bilinən 4 nəfər saxlanılaraq istintaqa təhvil verilib. Ekspertizanın və araşdırmanın nəticəsindən asılı olaraq məsələyə hüquqi qiymət veriləcək.

Sumqayıtda qadın qadını bıçaqladı

Sumqayıt şəhərində bıçaqlanma hadisəsi baş verib.

Hadisə şəhərin Betonzavod adlanan ərazisində qeydə alınıb.

Belə ki, 1990-cı il təvəllüdlü Çinarə İsmayıl qızı Nəbiyeva aralarında baş vermiş münaqişə zəminində qonşusu,1966-cı il təvəllüdlü Xırda Zərbala qızı Məmmədovaya bıçaqla xəsarət yetirib.

Yaralı dərhal xəstəxanaya çatdırılıb.

Faktla bağlı araşdırma aparılır.

Bakıda piyadanı maşın vurdu, yolda sıxlıq yarandı

Həbsdə olan sabiq icra başçısının cəzası azaldıldı

Şəmkirin keçmiş icra başçısı Alimpaşa Məmmədovun barəsində olan hökmdən verilən apellyasiya şikayəti üzrə məhkəmə prosesi keçirilib.

Bu gün Gəncə Apellyasiya Məhkəməsində keçirilən iclasda qərar elan olunub.

Qərara əsasən, A. Məmmədovun cəzası bir il azaldılıb. Ona 10 il 6 ay cəza təyin olunub.

Qeyd edək ki, Gəncə Ağır Cinayətlər Məhkəməsinin hökmünə əsasən, sabiq icra başçısı 11 il 6 ay müddətinə azadlıqdan məhrum edilib.

Məhkəmənin hökmü ilə sabiq icra başçısının satılmış və dəyəri dövlət büdcəsinə vurulmuş ziyana yönəldilməsi ilə əlaqədar məhkəmə depozitinə köçürüldüyündən iki əmlakı üzərindən həbs qərarı götürülüb.

Xatırladaq ki, Alimpaşa Məmmədov 2021-ci ilin aprel ayında Dövlət Təhlükəsizliyi Xidməti (DTX) tərəfindən keçirilən əməliyyatla həbs olunub.

Sabiq icra başçısına qarşı Cinayət Məcəlləsinin 179.4 (mənimsəmə), 193-1.3.2 (cinayət yolu ilə əldə edilmiş pul vəsaitlərini leqallaşdırma), 308.2 (vəzifə səlahiyyətlərindən sui-istifadə), 311.3.2 və 311.3.3-cü (təkrar, külli miqdarda rüşvət alma) maddələri ilə ittiham elan olunub. Cinayət işi ilə bağlı sabiq icra başçısının 10 milyonluq əmlakı üzərinə həbs qoyulub.

"Tərtər işi" üzrə ömürlük azadlıqdan məhrum edilən hərbi qulluqçu barədə Ali Məhkəmə qərar elan etdi

"Tərtər işi" üzrə 2017-ci ildə həbs edilən üç hərbi qulluqçu Elşən Qasımov, Lətif Lətifov və Zamiq Əlimanov Ali Məhkəməyə müraciət edib.

Hər üç hərbi qulluqçu barələrindəki hökmdən şikayət vermə müddətlərinin bərpa olunmasını istəyib.

Ali Məhkəmədə keçirilən prosesdə qərar elan olunub. Qərara əsasən, Elşən Qasımov və Lətif Lətifovun şikayətləri təmin olunmayıb.

Zamiq Əlimanovun kassasiya şikayəti vermə müddəti başa çatdığından onun şikayətinə baxılmayıb və Şirvan Apellyasiya Məhkəməsinə qaytarılıb.

Xatırladaq ki, hər üç hərbi qulluqçunun barələrindəki hökmdən şikayət vermə müddətinin bərpa edilməsi ilə bağlı müraciətlərinə bir müddət əvvəl Şirvan Apellyasiya Məhkəməsində baxılıb. Onların müraciəti məhkəmə tərəfindən təmin edilməyib.

Qeyd edək ki, hər üç hərbi qulluqçu 2017-ci "Tərtər işi" üzrə tutulub. Müddətdən artıq hərbi qulluqçu olan Elşən Qasımov ömürlük, gizir Lətif Lətifov 20 il, leytenant Zamiq Əlimanov isə 18 il müddətinə azadlıqdan məhrum ediliblər.

Xaçmazda sürücü qadını öldürüb qaçdı

Xaçmazda avtomobil piyadanı vurub.

Mahir Teyfur oğlu Hümmətov idarə etdiyi VAZ-2101 avtomobili ilə hərəkətdə olarkən piyada Zərifə Musa qızı Əliyevanı vuraraq, hadisə yerindən qaçıb.

Piyada aldığı xəsarətlərdən hadisə yerində ölüb.

Faktla bağlı cinayət işi başlanıb.