İstanbulda aralarında tanınmış müğənnilər, aktyorlar, fenomenlər və idman dünyasının məşhur simalarının da olduğu irimiqyaslı narkotik əməliyyatı keçirilib.

Bakırköy Respublika Baş Prokurorluğunun təlimatı ilə İstanbul və Muğlada əməliyyat keçirilib.

Məlumata görə, əməliyyat zamanı məşhur müğənnilər Mabel Matiz və Berkay Şahin, aktyor Onur Tuna, aktrisalar Feyza Civelek və Serenay Sarıkaya, model Aslıhan Turanlı və tanınmış baş məşqçi Fatih Terimin sabiq kürəkəni Volkan Bahçekapılı da daxil olmaqla bir çox tanınmış sima "narkotik vasitələrin qəbulu, saxlanılması və istifadəsinə şərait yaradılması" ittihamı ilə saxlanılıb.

Bildirilib ki, şübhəli şəxslərin evlərində aparılan axtarışlar zamanı xeyli miqdarda metamfetamin, ekstazi həbləri, marixuana, daxilində maye marixuana olan elektron siqaretlər, habelə narkotik tərkibli konfetlər keçirilib.

Xatırladaq ki, daha sonra şübhəlilərdən 9-u (o cümlədən Mabel Matiz, Onur Tuna və Feyza Civelek) sərbəst buraxılıb. Aralarında müğənni Berkay Şahin, Aslıhan Turanlı və Volkan Bahçekapılının da olduğu digər 11 nəfər isə Bakırköy Ədliyyəsinə göndərilib.

"Avroviziya 2026" beynəlxalq mahnı müsabiqəsinin hazırda davam edən finalında ölkələr səsvermənin nəticələrini açıqlayıblar.

Azərbaycandan olan səsverməni 2012-ci ildə müsabiqədə ölkəmizi təmsil edən Əməkdar artist Səbinə Babayeva təqdim edib.

Azərbaycan 12 xalı İtaliyaya verib.

Digər sıralama isə belədir:

- 10 xal - Ukrayna

- 8 xal - Serbiya

- 7 xal - Xorvatiya

- 6 xal - Albaniya

- 5 xal - Bulqarstan

- 4 xal - İsrail

- 3 xal - Ruminiya

- 2 xal - Malta

- 1 xal - Çexiya

Hazırda 25 ölkə təmsilçisi qalibiyyət uğrunda mübarizə aparıb.

Qeyd edək ki, bu il Azərbaycan təmsilçisi Jiva finala vəsiqə qazana bilməyib.

Xəbər verdiyimiz kimi, Avroviziya-2026 beynəlxalq mahnı müsabiqəsinin ikinci yarımfinal mərhələsi keçirilib.

Yarımfinalda 15 ölkə iştirak edib, lakin onlardan yalnız 10-u böyük finala yüksələ bilib.

İkinci yarımfinaldan finala çıxan ölkələr bunlardır: Bolqarıstan, Ukrayna, Norveç, Avstraliya, Rumıniya, Malta, Kipr, Albaniya, Danimarka və Çexiya.

Azərbaycan, Lüksemburq, Ermənistan, İsveçrə, Latviya isə finala çıxa bilməyib.

Beləliklə, mayın 16-da keçiriləcək finalda aşağıdakı ölkələr çıxış edəcək:

Yunanıstan, Finlandiya, İsrail, Moldova, İsveç, Xorvatiya, Litva, Polşa, Serbiya, Belçika, Bolqarıstan, Ukrayna, Norveç, Avstraliya, Rumıniya, Malta, Kipr, Albaniya, Danimarka və Çexiya, Böyük Britaniya, Almaniya, İtaliya, Fransa, Avstriya.

5 ölkə İsrailin müsabiqəyə qatılması səbəbindən ölkələrindən iştirakçı göndərməmək qərarından sonra "Avroviziya-2026" mahnı müsabiqəsinin milli televiziyada yayımlanmasından da imtina ediblər.

Bu barədə "BBC" məlumat yayıb.

Qeyd edək ki, həmin ölkələr İrlandiya, İslandiya, İspaniya, Niderland və Sloveniyadır.

İstanbul Baş Prokurorluğu tərəfindən aparılan narkotik istintaqı çərçivəsində daha bir neçə məşhur saxlanılıb.

Prokurorluq tərəfindən 14 məşhuru əhatə edən əməliyyat həyata keçirilib.

Saxlanılanlar arasında Ender Eroğlu, Hafsanur Sancaktutan, Emir Can İğrek, Somer Sivrioğlu, Serra Pirinç, Ogün Alibaş, Utku Ünsal, Sinem Özenç Ünsal, Elif Büşra Pekin, Ahsen Eroğlu, Burak Deniz, Mert Demir, Emre (Fel) Öztürk və Enes Güler var.

Rumıniya milli seçim turunun qalibi Aleksandra Kepitenesku ölkəsini nüfuzlu mahnı müsabiqəsində təmsil etmək hüququndan məhrum edilə bilər.

Buna səbəb hüquq müdafiəçilərinin və ekspertlərin "Choke Me" ("Məni boğ") kompozisiyasını təhlükəli seksual təcrübələrin romantikləşdirilməsində ittiham etmələri olub.

Əvvəllər "Rumıniyanın səsi" (The Voice Romania) şousunda qalib gələn Kepitenesku martın 8-də "Avroviziya"ya vəsiqə qazanıb. Onun nü-metal (nu-metal) üslubunda hazırlanmış nömrəsi provokasiya xarakterli mətnə malikdir: üç dəqiqəlik ifa zamanı "məni boğ" ifadəsi 30 dəfə təkrarlanır, həmçinin "ağciyərləri partlatmaq" istəyi və "nəfəs almağın çətin olması" barədə sətirlər mövcuddur.

Beynəlxalq fəallardan və ekspertlərdən ibarət qrup Avropa Yayım İttifaqına müraciət edərək ya milli seçimin nəticələrinin ləğv edilməsini, ya da müğənnini mətnini dəyişməyə məcbur etməyi tələb edib. Durham Universitetinin hüquq professoru Kler Maqqlinn mahnını gənc qadınların həyatı ilə oynayan və onların sağlamlığına qarşı narahatlıq doğuran etinasızlıq nümayiş etdirən "təhlükəli təcrübənin düşünülməmiş normallaşdırılması" adlandırıb.

Ötən il Boğulma ilə Mübarizə İnstitutu tərəfindən aparılan araşdırmalar göstərib ki, 35 yaşadək insanların yarısından çoxu qarşılıqlı razılıq əsasında intim münasibət zamanı boğulma ilə üzləşib, üstəlik onların təxminən üçdə biri səhvən bunun təhlükəsiz yollarının olduğunu düşünüb. Tibbi məlumatlar təsdiqləyir ki, bu növ təcrübələr beyin zədələri və psixoloji pozuntular da daxil olmaqla, uzunmüddətli sağlamlıq problemlərinə yol aça bilər.

Sənətçinin özü isə israr edir ki, onun mahnısı zorakılığa çağırış deyil, şübhələrdən və daxili təzyiqdən boğulan gənc yaradıcının emosional mübarizəsinin metaforasıdır. Lakin tənqidçilər, o cümlədən məşhur norveçli psixoloq və "ESC Norway" bloqeri hesab edirlər ki, müəlliflər bunun necə bir rezonans doğuracağını yaxşı anlayaraq, şüurlu şəkildə "hayp" mövzusundan istifadə edirlər.

Əməkdar artist Aybəniz Haşımovaya vəzifə verilib.

Müğənni A.M.Şərifzadə adına Mədəniyyət Mərkəzinin direktoru vəzifəsinə təyin edilib.

Məlumata görə, Aybəniz Haşımova fevralın 6-sı bu vəzifəyə təyin olunub. Bu gün isə artıq kollektivə təqdim edilib.

Qeyd edək ki, 58 yaşlı sənətçi “Bülbüllər” qrupunun yaradıcısı, Sənət Akademiyasının təsisçisi və rəhbəri, Türk Ağsaqqalları İctimai Birliyinin Mədəniyyət Komitəsinin sədridir.

Bu barədə ilk məlumatı Missiya.az saytı yayıb.

“Avroviziya 2026” mahnı müsabiqəsinin yarımfinalının püşkatma mərasimi keçirilib.

Vyanada keçiriləcək yarışmada Azərbaycan müsabiqənin ikinci yarımfinalında birinci hissədə çıxış edəcək. İkinci yarımfinal mayın 14-də keçiriləcək.

Azərbaycanla birlikdə həmin gün səhnəyə Bolqarıstan, Çexiya, Lüksemburq, Rumıniya, İsveçrə, Albaniya, Avstraliya, Kipr, Danimarka, Latviya, Malta, Norveç, Ukrayna, Ermənistan təmsilçiləri də çıxacaq.

Birinci yarımfinalda isə Xorvatiya, Finlandiya, Gürcüstan, Yunanıstan, Portuqaliya, Moldova, İsveç, Belçika, Estoniya, İsrail, Litva, Monteneqro, Polşa, San-Marino, Serbiya təmsilçiləri yer alacaqlar.

Yarışmanın birinci yarımfinalı mayın 12-də, final isə 16-da keçiriləcək.

Qeyd edək ki, ötən il müsabiqədə 436 balla Avstriya - "JJ" ləqəbi ilə tanınan Yohannes Piç adlı müğənni “Wasted love” mahnısı ilə birinci olub.

Fransa Gürcüstanda keçirilən "Uşaq Avroviziyası 2025" mahnı müsabiqəsinin qalibi olub.

Ölkəni müsabiqədə Lu Deluiz təmsil edib.

Fransa münsiflər heyətindən 152 bal, onlayn səsvermə nəticələrinə əsasən isə 96 bal toplayaraq birinci yerə layiq görülüb.

Müsabiqədə Albaniya, Ermənistan, Azərbaycan, Xorvatiya, Kipr, Fransa, Gürcüstan, İrlandiya, İtaliya, Malta, Monteneqro, Niderland, Şimali Makedoniya, Polşa, Portuqaliya, San Marino, İspaniya və Ukrayna olmaqla 18 ölkə iştirak edib.

Azərbaycanı bu müsabiqədə Yağmur Nəsrullayeva təmsil edib. O "Miau Miau" mahnısını ifa edib və 15-ci yerdə qərarlaşıb.

Tbilisidə keçirilən "Uşaq Avroviziyası"nın qalibi Fransa olub.

Azərbaycan təmsilçisi Yağmur Nəsrullayeva yarışmada 66 xalla 15-ci yerdə qərarlaşıb.

İlk beşlikdə ardıcıl olaraq Ukrayna, Gürcüstan, Ermənistan və İspaniya yer alıb.