İran hakimiyyəti xarici saytlara giriş məhdudiyyətlərini aradan qaldırmağa başlayıb.

Bu barədə TASS məlumat yayıb.

Bildirilib ki, bəzi İran mobil telefon abunəçiləri yenidən digər ölkələrin veb saytlarına baxa biləcəklərini müşahidə ediblər. Lakin, bəzi veb saytlar üçün məhdudiyyətlər hələ də qüvvədədir.

İran hakimiyyəti daha əvvəl internetə çıxışın yaxın həftələrdə bərpa olunacağını bildirmişdi .

Ölkədə internetin bağlanması xarici mesajlaşma tətbiqlərinin təsirini azaltmaq cəhdləri ilə əlaqələndirilib və bu da etirazların kütləvi iğtişaşlara çevrilməsinə səbəb olub.

Dekabrın 28-də İranda milli valyutanın devalvasiyası ilə bağlı etirazlar başlayıb . Buna cavab olaraq hakimiyyət təhlükəsizlik tədbirlərini gücləndirib, göz yaşartıcı qaz və silahlardan istifadə edib.

Yanvarın 8-də hakimiyyət orqanları İranda interneti bağlayıb. Bəzi ərazilərdə telefon xidməti də məhdudlaşdırılıb. Bu, hökumətin etirazçılara qarşı həyata keçirdiyi tədbirlərin bir hissəsidir.